ઓક્સિડેશન આંક પદ્ધતિ દ્વારા રેડોક્સ પ્રક્રિયાને સંતુલિત કરવાની સમજૂતી આપો.

(N/A) ઓક્સિડેશન આંક પદ્ધતિને નીચેના પગલાંઓ દ્વારા સમજાવી શકાય છે:
પગલું-$1$: દરેક પ્રક્રિયક અને નીપજ માટે સાચું રાસાયણિક સૂત્ર લખો.
પગલું-$2$: પ્રક્રિયામાં રહેલા તમામ તત્વોને ઓક્સિડેશન આંક આપીને કયા પરમાણુઓના ઓક્સિડેશન આંકમાં ફેરફાર થાય છે તે ઓળખો.
પગલું-$3$: પ્રતિ પરમાણુ અને સમગ્ર અણુ અથવા આયન માટે ઓક્સિડેશન આંકમાં થતો વધારો કે ઘટાડો ગણો. જો આ વધારો અને ઘટાડો સમાન ન હોય,તો તેમને સમાન કરવા માટે યોગ્ય સહગુણકો વડે ગુણાકાર કરો.
પગલું-$4$: જો પ્રક્રિયા જલીય માધ્યમમાં થતી હોય,તો આયનોની સંડોવણી ધ્યાનમાં લો. બંને બાજુના કુલ આયનીય વીજભાર સમાન થાય તે રીતે યોગ્ય બાજુએ $H^{+}$ અથવા $OH^{-}$ આયનો ઉમેરો. એસિડિક દ્રાવણ માટે $H^{+}$ અને બેઝિક દ્રાવણ માટે $OH^{-}$ નો ઉપયોગ કરો.
પગલું-$5$: પ્રક્રિયકો અથવા નીપજોમાં પાણીના $(H_{2}O)$ અણુઓ ઉમેરીને હાઇડ્રોજન પરમાણુઓની સંખ્યા સંતુલિત કરો. અંતે,ઓક્સિજન પરમાણુઓની સંખ્યા તપાસો. જો બંને બાજુ ઓક્સિજન પરમાણુઓની સંખ્યા સમાન હોય,તો સમીકરણ સંતુલિત છે.